महाराष्ट्र मंडळ म्युनिकच्या साहित्यप्रेमींकडून सुरू करण्यात आलेला ‘पालवी’ हा दिवाळी अंकाचा उपक्रम! यंदा हे दिवाळी अंकाचं सहावे वर्ष आहे.

सहा वर्षांपूर्वी सुरू करण्यात आलेल्या या उपक्रमाला आता भरपूर प्रमाणात प्रतिसाद मिळतोय आणि म्हणूनच यावर्षीचा विविध माहितीपर लेख,कथा, कविता, प्रवासाचे अनुभव, आधुनिक, पारंपारिक पाककृती, चित्रं,रेखाटनं यांनी भरगच्च असा अंक तुमच्यासमोर सादर करताना आम्हाला आनंद होतोय.

दिवाळी अंक ही महाराष्ट्राची साहित्यिक परंपरा आहे आणि महाराष्ट्र मंडळ म्युनिक ती इथे परदेशातसुद्धा जपण्याचा प्रयत्न करत आहे. उत्तरोत्तर आपल्या अंकामध्ये अशीच छान भर पडत जावो आणि आपल्यातले कलाकार,लेखक,कवी, सल्लागार यांना व्यक्त होण्यासाठी अंकाच्या माध्यमातून सगळ्यांपर्यंत पोहोचता येवो हीच आमची सदिच्छा!